RENUNGAN MINGGUAN – 19 Disember 2021
Nokosuang tokou no doid minggu ka’apat do timpu kapagandadan. Tadau po untobon om oikot no Tadau do Krismas. Poposodia tokou do Tadau diho Komozon i agazo lati montok dotokou. I missi di Kristus nadadi do Tuhun om ii missi tokou sabaagi do Kristian ii minonoimo di Kristus doid pamaanaan dotokou doid timpu do kapagandadan ii tadau do kosusuvon di mononobus. Pambasan koiso di Profeta Micah..Iziau, Oi Bethlehem Ephrathah, mantad diau ohodi i mononobus montok dogo ii songuhun ii momolinta di Israel. Ii dandi do Kinoingan maza di Kristus do kumaa doid tuhun ngaavi dau mongoi do ongounsikou om atampasi ngaavi i Tuhun dau.
Id Pambasaan Koduvo ii naanu mantad dii suat doid di tuhun ngaavi di Hebrew. Noboos di Jesus do Izou no ii mikot om nokoikot zou do mongoi ponuhuk do kaandak di Tama ku,ii ponuu dau mongoi do kaanu tokou sumompuu mahik om mogovit do ponobusan,mogovit do koompunan mantad douso dotokou om mogovit mahik do Kinoingan doid koposizon dotokou.Iiho no i missi di Kristus.
Id Gospel: Songian nopo do kongou di Elizabeth do tuminombuhui i disido ii Mary, Gizak no zosido do topuod ” Iziau no ii tobitua no kozo do saviavi tondu om obitua ii tuva dino pagaganakan nu. Sihok no i Tanak id pagaganakan disido. Ka di Elizabeth “Isai zou nodii tu tombuhuzon zou di Tina di Tuhan ku” Iho no ii koimazaan do koginavaan do nakaanu o kinoingan mimang do saviavi diti montok dotokou. Do baino, onu ii missi dotokou i minonoimo di Kristus ii notumbazaan do osusu mantad di Mary ii songuhun Mononobus.
Ii nopo missi dotokou nga momit tokou daa di Tina tobitua Mary do songian minonoimo di Kristus. Iho no ii tanggungjawab dotokou
di missi do kaanu mogovit di Kristus kumaa doid tootobpinai om kokouvang ngaavi dotokou miaga di Tina tobitua Mary i minogovit di kounsikaan do aabal tavasi do kumaa doid dovokon do kaanu nodii ovokon do momiumon di koginavaan do kinoingan.
Tadau Krismas diti popoosou dotokou do mimang o Kinoingan do monuhuuk di dandi disido doid saviavi dotokou.
Tihombus tokou no doid pamaanaan dotokou miampai do sumambayang tokou do “Oi Tuhan, ukabo no ginavo ku do kaanu zou monoimo diau…Onuai zou do Kavakasan do mogovit diau kumaa doid totoobpinai ku do kaanu zou nodii do momohou diau do ‘Emmanuel’ Kinoingan miampai doid dotokou”.
Do maso manangkus dii pigusaan diti koposizon babaino miampai kapataakan do id koikatan di mononobus id dii tonsi, avanadan
Zikoi no daa miampai dii tingadan tosima do koposizon kavavagu diti mikot ii koikatan di Tanak Tontoisoon i naanak dau om mobpiumon montok koikatan dau om kopomombitua no daa dagai iti maza babang tosikit doid timpu kapagandadan om do kotoimo nodii diti batos do koponobusan selajul, ii Tadau do Krismas. Amen
Mantad, Kat. Ernest Mojikon
