RENUNGAN MINGGUAN – 9 Januari 2022
KINOPODSUAN DI TUHAN
Tadau baino mamalamai tokou di kinopodsuan di Tuhan. Kalamazan nopo diti ngaa manaak do tokou do kosivatan do mintong mahik kinopodsuan di Tuhan om guno dii doid kopodsuan do tokou sondii.
Di ontok podsua di John ii Jesus doid bavang Jordan, ivang no do Surga om sondot no doid Disido i Spiritu Tobitua do noinan, miaga do tombohog asang om koongou no o ohou mantad surga do, “Iziau no ii Tanak ku ii koginavaan, iziau no i kaanangan ku.”
Kiguno nogi do ihoon do kinopodsuan nopo di Jesus nga okonko komozon do kidouso Isido. Suminaga Isido do podsuon di john mooi do kivaa dii do piisaan (solidarity) miampai do tokou ii tomposizon Dau. Tanda do poinsodia Isido do dumaa montok koponomposizan do tokou.
Ontok nopo di podsuo tokou, kivaa tohu (3) ii intangan do tokou:
(i) Adadi tokoi do tanak do Kinoingan komozon noidu ii douso ngaavi do tokou;
(ii) Om nung tanak tokou do Kinoingan pointantu no do guminavo do tokou Isido;
(iii) Adadi tokou do iso paganakan tagazo ii pibuubuuan di Kinoingan.
Kiguno nogi do intangan tokou mahik ii kinopodsuan do tokou sondii. Di ontok podsuo tokou, nuot tokou do, otumbazaan ko naku do Kinoingan om ii kaajalan ngaavi Dau? Onu ka do sisimba tokou. Pointantu no do, “Otumbazaan. Koduvo, zadaan nu naku o logon om kalaja ngaavi dau. Pointantu no do, ‘zadaan.”
Kanou no ahapo ii Spiritu Tobitua do Kinoingan do popotunud om manaak do tokou do kavakasan do tumihombus mamanau miampai di Jesus do tikid tadau.
Mantad, Kat. Andrew Sipajan.
